Burulğan tipli buxar sayğacı

Burulğanlı sərfölçənlər Karman burulğanı prinsipi ilə işləyir. Maye, qaz və buxar kimi mühitlərin kütlə və həcm sərfinin ölçülməsində istifadəçiyə üstünlük verir. Bu məhsulla maye ölçmələrində 0.5%, qaz və buxar ölçmələrində isə 1.0% dəqiqliklə ölçmə aparmaq mümkündür.

Von Karman Vortex yolu prinsipinə əsaslanan ölçmə məntiqində axın, axın istiqamətinə perpendikulyar yerləşdirilmiş cismin təsiri ilə iki hissəyə bölünür və əks istiqamətlərdə fırlanan burulğanlar yaranır. Dalğa şəklində yayılan bu burulğanların tezliyi ölçülür

Vortex sərfölçən daxilindəki sensor (pyezoelektrik element) vasitəsilə tezlikləri sayaraq sürəti, riyazi hesablamalar nəticəsində isə sərfi ölçür. Ölçülən bu tezliklər axın miqdarı ilə mütənasibdir. Xüsusilə qaz axınlarının kütlə sərfinin ölçülməsində sıxlığa birbaşa təsir etdiklərinə görə təzyiq və temperatur məlumatları riyazi hesablamalarda birbaşa istifadə olunur. Bu iki göstəricinin dəyişkən olduğu hallarda kompensasiyalı modelə üstünlük verilir və dəqiq sərf ölçməsini təmin etmək üçün dəyişən sıxlıq da hesablanır